Një tjetër ngarkesë me drogë është kapur në Selanik. Në pranga është vënë një shqiptar i cili ishte shpallur në kërkim.
Mediat greke bëjnë me dije se, dy shqiptarët e moshës 29 dhe 31- vjeç janë arrestuar pasi në një banesë të tyre në Selanik janë gjetur dhe sekuestruar 41 pako me 34 kg 444 gram marijuanë, 1.67 gram kokaine, 2 peshore elektronike dhe 4 celularë.
31- vjeçari rezulton person në kërkim, me dy dënime prej 14 vjet dhe 6 vjet si dhe 70 mijë euro gjobë për trafik klandestinësh. Vetëm gjatë muajit nëntor në Selanik janë kapur rreth 155 kg marijuanë me protagonistë shtetas shqiptarë.
Burimi: Protothema.gr
