Sekretari i Përgjithshëm i PD, Gazment Bardhi, e cilëson si të paprecedentë vendimin e Gjykatës Kushtetuese për të mos pranuar kërkesën e demokratëve për të shpallur anti-kushtetues vendimin e Kuvendit për Komisionin Hetimor të Investimeve Strategjike.
Reagimi
Guximi i Gjykatës Kushtetuese për të ndryshuar objektin e kërkesës së 1/5 së deputetëve mund të shpjegohet vetëm me errësimin e syve nga oligarkët e investimeve strategjike. Është akt i paprecedent vendimi i sotëm i GJK që nuk shprehet për kërkesën e paraqitur, por supozon për ekzistencën e një kërkese që nuk është paraqitur.
Në GJK nuk është paraqitur asnjë kërkesë për zgjidhje të mosmarrëveshjes së kompetencave mes pakicës dhe shumicës. 1/5 e deputetëve kanë të drejtë të kërkojnë interpretimin përfundimtar të Kushtetutës dhe kanë paraqitur këtë kërkesë.
