Pasi reshjeve të shiut për disa ditë me radhë panorama në Shkodër mbetet po e njëjtë në disa vende. Për shkak të motit të keq shumë familje janë larguar na shtëpitë e tyre pasi ujë i ka “pushtuar”. Mësohet se janë 14 familje me 43 persona i janë drejtuar konvikteve si vendstrehime.
Bashkia Shkodër ka publikuar të dhënat e fundit nga situata e përmbytjeve në këtë bashki dhe fshatrat përreth, ku 1130 Ha tokë rezulton ende nën ujë.
Kryebashkiaku i Shkodrës, Bardh Spahia tre ditë më parë kërkoi nga qeveria të shpallë gjendjen e emergjencës, kërkesë që ra në vesh të shurdhët. Po ashtu ai ka kërkuar më shumë mjetë të ushtrisë dhe të Emergjencave Civile, ndërsa drejtoi gishtin nga KESH për keqmenaxhim të situatës hidrike në kaskadën e Drinit, duke thënë se kanë përgjegjësi për përmbytjen pasi ndodhi në vetëm pak orë prej hapjes së pakontrolluar të portave të tre HEC-eve kryesore.
“Gjithçka është rezultat i hapjes në mënyrë shumë të shpejt, e papritur e portave të hidrocentraleve. Duhet ta kishin lajmëruar në kohë autoritet që menaxhojnë kaskadën e Drinit bashkinë për të njoftuar banorët. Rritja e nivelit të ujit ka qenë jashtëzakonisht e shpejtë. I mbajmë mend dhe përmbytjet e vitit 2010 por ato ishin për shkak të reshjeve të shiut përmbi 3 javë rresht pa pushim”, theksoi kryebashkiaku i Shkodrës.
Gjithashtu edhe sot vazhdon të ketë gërryerje të tokës pranë lumit Drin, në zonën e quajtur mali i Vukatanit.
Nga monitorimi në terren ditën e sotme datë 24.11.2022,ora 08.00, situata e përmbytjeve në terren vazhdon të jetë si më poshtë:
- Hidrometri i Liqenit të Shkodrës në orën 08.00,shënon kuotën 8.09 m, (nga 8.0 m qe ishte me date 23.11.2022 ne oren 16.00) (Kuota max 8.70 m).
- Hidrometri i lumit Drin në orën 08.00,shënon kuotën 6.05 m, (nga 5.70 m qe ishte me date 23.11.2022 ne oren 16.00) (Kuota max 7.50 m).
Bashkia Shkodër
Siperfaqe totale e përmbytur 1130 Ha (nga 1365 Ha qe ishte me date 23.11.2022 ora 16.00)
Nj.A. Ana e Malit
- Sipërfaqja e tokës bujqësore e përmbytur vlerësohet në 700 Ha (nga 850 Ha qe ishte me date 23.11.2022 ora 16.00), kryesisht në fshatrat Obot, Muriqan,Oblik.
- Rruga e Obotit ka presence uji 25 cm, eshte e kalueshme vetem me mjetet e ushtrise.
- Ujësjellësi Oblika 1 dhe 2,si pasojë e përmbytjeve është jasht funksionit
Nj.A Dajç
1.Sipërfaqja e tokës bujqësore e përmbytur vlerësohet në 100 Ha (nga 110 Ha qe ishte me date 23.11.2022 ora 16.00), kryesisht në fshatrat Mushan, Shirq, Pentar.
Tendencë e nivelit të ujit është në ulje.
Nj.A.Velipojë
Sipërfaqja e tokës bujqësore e përmbytur vlerësohet në 100 Ha (nga 125 Ha qe ishte me date 23.11.2022 ora 16.00), kryesisht fshatrat Baks, Luarz. Ças.
Nj. A. Guri i Zi
Sipërfaqja e tokës bujqësore e përmbytur vlerësohet në 30 Ha (nga 80 Ha qe ishte me date 23.11.2022 ora 16.00) , kryesisht në fshatrat Kuç dhe Rrenc.
Vërehet një gërreyrje e tokave bujqësore në bregun e lumit Drin në vendin e quajtur Mali i Vukatanit, në një gjatësi prej 800 ml.
Nj.A.Bërdicë
Sipërfaqja e tokës bujqësore e përmbytur vlerësohet në 200 Ha, konkretisht në fshtrat Trush.
Familje të evakuara aktualisht dhe marrin sherbim ne konvikte:
Janë 7 familje, gjithsej 24 persona, si me poshte:
Lagj Nr 1 – 1 familje me 4 persona
Lagj Nr 4 – 1 familje me 3 persona
Nj.A Berdice – 2 familje me 5 persona
Nj.A. Guri zi -5 familje me 6 persona
Kane marre trajtim gjithsej ne konvikte :
14 familje me 43 persona
