Deputeti i PD-së, Edmond Spaho, reagoi menjëherë pas fjalës së gjatë të kryeministrit Rama, për Portin e Durrësit, ku nuk munguan edhe akuzat dhe frazat ofenduese për opozitën.
Rama iu referua demokratëve si “gomarica” dhe për më tepër nisi t’iu recitojë një poezi me nota sarkastike.
“A do qumësht a do dhallë, gomaricat vijnë vërdallë;
Këmbë e bufit prapë është thyer dhe kukuvajka ka lënguar;
E si luftoni për darën ju o trima, shkulni gozhdën ju mbetet vrima;
A do qumësht a do dhallë, gomaricat vijnë vërdallë”.
Spaho në fjalën e tij tha se ndaj kryeministrit duhen marrë masa për fjalët që i drejton opozitës dhe e krahasoi atë me një hienë që ha vetëm mish, sepse edhe Rama ha vetëm një gjë.
“Ramën po ta krahasonim me ndonjë kafsh do t’i përshtatej heina, sepse hiena ha vetëm mish, ndërsa Rama ha vetëm një gjë…”- tha Spaho ndër të tjera.
Fjala e Spahos:
“Na tha gomarica, të paktën të na kishte thënë gomarë, të paudhë, gjel deti, sharlatanë, lopë. I referohej Nolit dhe Konicës për gjithë këto epitete. Unë do t’i referohem një kënge “The man gave names to all animals” dhe tregon se si njeriu kur zbriti nga pema filloi t’i thoshte, i dha emrin derr dertit sepse prodhonte mish, i dha emrin lopë kafshës tjetër sepse jepte qumësht. Gjithmonë kam vrarë mendjen kur kam dëgjuar sharjet e kryeministrit. Sikur Rama të kishte jetuar në atë kohë, çfarë emri do i vinim? Gjel deti nuk ia vëmë dot se në Surrel nuk ka det, gjel fushe prapë s’ia vëmë se Surreli është zonë kodrinore-malore, luan, tigër, leopard nuk ia vëmë se i mbush brekushet e Surrelit. Çfarë mund t’i themi? Hienë t’i themi për shembull, sepse hiena ha vetëm mish, kurse ky ha vetëm një gjë….”
LEXO EDHE:
“A do qumësht a do dhallë, gomaricat vijnë vërdallë”/Rama “poezi” opozitës në Kuvend
