Gjykata e Tiranës ka lënë në burg Astrit Terollin i akuzuar se kreu marrëdhënie seksuale me dhunë me vajzën e mitur të mikut të tij. 55-vjeçari do vijojë të qëndrojë në burg të paktën deri në përfundim të hetimeve.
Terolli i cili prej një muaj mbante në banesë familjen e mikut të tij nga Saranda, pasi një nga fëmijët e kësaj familjeje ndodhet në spital në koma, ka mohuar akuzat përpara gjykatës.
Sipas akt ekspertizës e mitura është defloruar.
Ka qenë 12 vjeçarja e cila ka treguar çdo gjë prindërve. Sipas saj, perpara se të abuzonte, Terolli i ka dhënë asaj të konsumoj alkool, kundra dëshirës me qëllim humbjen e vetëdijes.
Babai i vajzës po procedohet në gjendje të lirë. Pasi ka mësuar për ngjarjen ai është larguar nga banesa, e ka shkuar ka gjetur 55-vjeçarin e më pas e ka goditur dhe dhunuar atë. Më pas ai vetë e ka dorëzuar Terollin tek autoritetet duke bërë kallëzim për ngjarjen.
