Nënkryetari i Partisë së Lirisë, Petrit Vasili, ka reaguar me anë të një npostimi në FB, për situatën e reshjeve në vendin tonë.
Vasili shprehet se Edi Rama për përmbytjet bëhët memec, ndërsa për Portin e Durrësit llafazan.
“Edi Rama per permbytjet memec, per Portin e Durresit llafazan!! Asnje fjale nga ky medemek kryeministri i Shqiperise nderkohe qe gjithe vendi eshte ne daren e permbytjeve. Ky llafazani i palodhur qe flet dhjete here ne dite per Portin e Durresit per permbytjet hiç fjale”, shkruan Vasili.
Sipas tij kryeministri nuk ka reaguar për situatën e krijuar nga reshjet në vend, ndërsa shqiptarët kanë nevojë për ndihmë.
“Sot duan ndihme shqiptaret por kryeminister nuk kane. Kryeministri eshte ne kembe vetem kur behet fjale per grabitje te medha si Porti i Durresit etj afera pa fund. Edi Rama dil e fol se sot eshte Shqiperia ne hall. Po nuk ke faj per ty hall eshte vetem Porti i Durresit se paradhenia te merr me qafe! O KM ja ku i ke Fotot e qyteyeve nen uje dil e fol, apo po pret te dale dielli e te fillosh hartimet idiote me beteja e me armiq”, përfundon Vasili.
Ndërkaq reshje me intensitet kanë përshkuar të gjithë vendin. Ka pasur rënie të inerteve në rrugë më të shpeshta në Rajonin Verior, dhe pemë të këptura, si në Vlorë-Orikumtë. Në aksin Bajram Curri-Valbonë ka pasur rënie gurësh dhe inertesh, qarkullimi për momentin kryhet me një korsi.
Erëra të forta, shira me rrebesh të shoqëruar me vetëtima dhe bubullima kanë qene te vazhdueshme gjate natës dhe orëve të mëngjesit në qytetin e Durrësit. Ndërkohë mësohet se tragetet në dalje janë nisur më herët se zakonisht dhe kanë hyrë normalisht në portin e Barit.
Dy nga tragetet e linjës bari Durrës kanë hyre në port. Rreth mesditës pritet të vijë trageti i trete nga Ankona.
Në territorin e bashkisë Fushë-Arrëz vazhdojë reshjet e shiut me intensitet të lartë dhe erë të fuqishme. Raportohet për dëmtim të infrastrukturës rrugore auto rurale në të gjitha njësitë si dhe shkëputje e energjisë elektrike.
Si rezultat i reshjeve të shumta ka pasur dalje të përrenjve nga shtrati dhe përmbytje të një sipërfaqeje prej 400 ha në Fushën e Muriqanit Njesia Administrative Ana e Malit.
Sa i përket rajonit të Lezhës janë krijuar probleme në zonën turistike të Shëngjinit, ku janë përmbytur disa akse rrugore, duke vështirësuar lëvizjen e automjeteve dhe këmbësorëve.
