Banorët e Divjakës janë përplasur me Policinë pak më para duke thyer xhamat e kabinës së vendosur në hyrje të parkut kombëtar Divjakë-Karavasta.
Policia është bërë gardh në mbrojtje të traut dhe po tenton të zmbrapsë qytetarët.
Banorët e cilësojnë vjedhje dhe grabitje nga Ministria dhe qeveria shqiptare vendosjen e tarifës për të hyrë në park.
Sipas tyre, vendosja e tarifës është korruoptive dhe dëmton jo vetëm banorët, por edhe bizneset në zonë. Ata theksojnë se do protestojnë deri në arritjen e qëllimit të tyre.
Protesta e banorëve të Divjakës që kundërshtojnë vendosjen e një trau me pagesë nga ana e Ministrisë së Turizmit ka hyrë sot në ditën e pestë.
Banorët janë mbledhur në sheshin qendror para godinës së bashkisë Divjakë, për të marshuar më pas të gjithë bashkë në drejtim të pikës ku është parashikuar instalimi i traut.
Banorët mbajnë në duar banderola të ndryshme dhe njëzëri theksojnë se janë të vendosur që t’i shkojnë deri në fund kauzës së tyre, pasi tarifa e vendosur nga qeveria do të ndikojë ndjeshëm te bizneset e tyre dhe jeta e përditshme.
“Edhe ajrin që na ka dhënë i madhi Zot, po na e japin me lekë!”, shkruhet në një nga pankartat e tyre
