Gjykata e Lartë ka lënë në burg pronarin dhe administratorin e “Alba Ekzotik Fruit”.
Eduart Dauti dhe Bajron Gumeni kishin kërkuar një masë më të butë sigurie, por Gjykata e Lartë ka lënë në fuqi vendimin e Gjykatës së apelit Durrës.
Ata akuzohen për trafik kokaine lidhur me sasitë e drogës që janë gjetur në kontejneret me banane që vinin për llogari të kompanisë “Alba Ekzotik Fruit” në portin e Durrësit, në 6 episode në sasi të ndryshme prej disa kg.
Ngarkesa e fundit me kokainë e “Alba Exotic Fruit” ra në rrjetat e policisë me 12 tetor në portin e Durrësit. Në një nga kontejnerët që vinte për llogari të firmës “Alba Exotic Fruit”, është kapur një sasi prej 10 kilogramë e 185 gramë kokainë.
