Deputeti demokrat, njëherazi dhe kryetari i Këshillit Kombëtar të PD, Edi Paloka ka publikuar vendimin e Sekretariatit për Procedurat, Votimet dhe Etikën në Kuvend, që e ka përjashtuar 10 ditë nga punimet e Kuvendit bashkë me deputetin tjetër Bujar Leskaj.
Në dokument tregohen edhe arsyet e këtij vendimi skandaloz.
Në shkresën e publikuar theksohet se vendimi është marrë për dy deputetët e PD-së pasi ‘kanë përdorur fjalë fyese për kryeministrin’ dhe ‘kanë bërë sjellje të pahijshme në senacë plenare duke shkelur etikën’.
Në një postim në rrjetet sociale, Paloka kujton deklaratat e Ramës se ata ishin të dehur gjatë seancës plenare.
“Çudi, nuk paskemi qenë ‘të dehur’ siç përsëriste i shpërfytyruari në seancë plenare!!! Në fakt thjesht i kthyem restin për lumin e sharjeve dhe fyerjeve që ai lëshoi një ditë më parë ndaj opozitës dhe kjo është më e pakta që ai meriton”, shkruan Paloka.
