Një ngjarje e rëndë ka ndodhur në Indi, teksa një burrë vrau dhe copëtoi partneren e tij 27-vjeçare, duke i shpërndarë copat e saj në të gjithë Delhi.
Burri u arrestua pesë muaj pasi kreu aktin barbar. Policia ka identifikuar të akuzuarin, emri i të cilit është Aftab Amin Poonawalla.
Siç u zbulua gjatë marrjes në pyetje, burri jetonte së bashku me viktimën 27-vjeçare dhe siç pretendonte ai, 27-vjeçari i bënte presion që të martohej dhe shpesh debatonin për këtë.
Pas një debati më 18 maj, Poonawalla mbyti partneren e tij 27-vjeçare dhe më pas e copëtoi trupin e saj në 35 pjesë me një armë të mprehtë dhe bleu një frigorifer për të ruajtur gjymtyrët e prera. Për 16 ditët e ardhshme, ai do të dilte në vende të ndryshme përreth Delhit, në mes të natës për të asgjësuar copat e gruas fatkeqe.
Babai i viktimës Vikas Madhan dha një deklaratë në lidhje me rrëmbimin e vajzës së tij në stacionin e policisë Mehrauli në Delhi më 8 nëntor. Në ankesën e tij, Vikas deklaroi se vajza e tij, Shraddha, po punonte në një qendër telefonike në Mumbai, ku u takua me Poonawalla.
Të dy përfundimisht u lidhën dhe u transferuan në Delhi, pavarësisht kundërshtimeve të familjes së saj. Çifti ka marrë me qira një apartament në qytet. Mirëpo, pas majit të vitit 2022, babai i viktimës ka raportuar se nuk kishte dëgjuar nga vajza e tij dhe as nuk ishte në gjendje të kontaktonte me të.
Pas hetimeve, zbulohet se Shraddha u vra pesë muaj më parë. Policia e arrestoi Poonawalla-n në banesën ku po qëndronin dhe e mori për ta marrë në pyetje.
Pas marrjes në pyetje, policia ka nisur kërkimet për gjetjen e pjesëve të trupit të viktimës, në një zonë pyjore përreth qytetit. Në vendngjarje u gjetën disa prej eshtrave të saj, ndërkohë që po vijojnë hetimet e mëtejshme.
