Media britanike Daily Mail i ka bërë jehonë protestës kombëtare të zhvilluar ditën e djeshme në Tiranë, pas thirrjes drejtuar shqiptarëve nga kreu i Partisë Demokratike Sali Berisha, për t’u bashkuar kundër “regjimit të Edi Ramës dhe rritjes së çmimeve e varfërisë”.
Mail në raportimin e saj mbi protestën është ndalur në veçanti te simbolika e zgjedhur nga pjesëmarrësit në tubim, të cilët vendosën para kryeministrisë një gomone të zezë me flamurin shqiptar dhe atë britanikë, për të treguar pasojat e shpopullimit të motivuar nga keqqeverisja e Ramës.
Emigrimi masiv i shqiptarëve veçanërisht i orientuar drejt Britanisë së Madhe ku 10 mijë të rinj e mbi 3 mijë familjarë kanë kaluar Kanalin me gomone në 8 muajt e fundit është kthyer në shqetësim real, ndaj dhe fjalimi i kreut të opozitës Sali Berisha i mëshoi fort kësaj plage të shoqërisë shqiptare.
Artikulli i Daily Mail:
Mijëra shqiptarë dolën në rrugët e kryeqytetit të vendit, Tiranës, për të demonstruar kundër qeverisë socialiste të kryeministrit Edi Rama për rritjen e kostos së karburanteve dhe ushqimeve.
Të tubuar nga Sali Berisha, kreu i opozitës, ata u mblodhën jashtë zyrës së zotit Rama për të protestuar kundër korrupsionit të dyshuar të qeverisë dhe rritjes së kostos së karburantit dhe ushqimit.
Në një fjalim para turmës, zoti Berisha tha se zoti Rama ishte fajtori për largimin masiv të të rinjve nga Shqipëria – gjë që e ka lënë Britaninë përballë valëve të emigracionit të paligjshëm.
Ish-kryeministri dhe kreu i Partisë Demokratike pretendoi se bota tani ‘na sheh si popullin e ëve’ pasi rreth 12,000 shqiptarë kaluan Kanalin me varka të vogla këtë vit.
“Shqiptarët sot janë një populli i gomoneve”, deklaroi ai, “sepse dikush – dhe ky është Edi Rama – ua grabiti votën, i ktheu liritë e tyre në iluzion, në një votë fiktive, vetëm që të qëndronte në pushtet”.
Në fillim të këtij muaji, Rama akuzoi qeverinë britanike për diskriminim ndaj shqiptarëve me qëllimin për të shkëputur vëmendjen nga ‘dështimet e saj politike’.
Ndërsa marshonin nëpër Tiranë, protestuesit mbanin një ë me flamuj britanikë dhe shqiptarë për të ‘shprehur shqetësimin e tyre për eksodin masiv’ të të rinjve, sipas gazetarit dhe aktivistit Isa Myzyraj.
Deri në 1,200 oficerë policie, shumë të pajisur për protestat, u vendosën për të kontrolluar turmat e shumta, pohuan raportet lokale. Megjithatë, disa demonstrues thyen kordonët e policisë për të goditur me shkelma dhe hedhur bojë në derën e kryeministrisë.
