Jemi vetëm pak minuta larg nisjes zyrtare të protestës së thirrur nga Opozita e bashkuar.
Protesta pritet të zgjasë rreth tre orë dhe do të ketë 20 folës. Të gjithë folësit, nga kryedemokrati Sali Berisha, kreu i Partisë së Lirisë Ilir Meta e deri tek përfaqësues të opozitës pritet të dalin në shesh për të dhënë mesazhet e tyre për qytetarët.
Nga momenti në moment, pritet që Berisha e Meta të dalin nga selitë e partive përkatëse dhe t’i drejtohen bulevardit ku janë grumbulluar qytetarët.
Ambasada amerikane në Tiranë, u ka bërë thirrje qytetarëve që të shmangin grumbullimet dhe të qëndrojnë të përditësuar mbi zhvillimet më të fundit.
Kryeministria është blinduar.
