Një ngjarje e rëndë ka ndodhur mbrëmjen e djeshme në Kala Nera, Greqi, ku një 43-vjeçar shqiptar ka mbetur i plagosur.
43-vjeçari me origjinë shqiptare ka mbetur i plagosur me thikë në bark, pas një sulmi nga një bashkatdhetar rreth 35 vjeç.
Policia po kryen hetimet për identifikimin dhe kapjen e autorit, i cili pas ngjarjes është larguar nga zona me një makinë gri për të shmangur arrestimin, raporton Protothema.
Dy shqiptarët janë komshinj me njëri-tjetrin.
Sipas informacioneve të para thuhet se shkak i mosmarrëveshjes është bërë një magazinë, të cilën viktima dhe autori e kanë bashkërisht.
Bashkëshortja e të plagosurit, në gjendje paniku, e ka dërguar vetë të plagosurin në spitalin e Volos me makinën e saj.