Kreu i PD-së, Sali Berisha deklaron se në protestën e thirrur nga opozita të shtunën e 12 nëntorit do të mbushen rrugët e sheshet.
Berisha thotë se protesta e 12 nëntorit është “dëshmi përfundimtare e vendimit të këtij populli për të të mos pranuar kurrë më armikun e egër të votës së tyre të lirë, të sillet si është sjellë me ta”.
Sipas Berishës, qytetarët nesër do njihen me alternativën antikrizë të PD dhe opozitës.
Duke i bërë thirrje qytetarëve që të marrin pjesë në protestë, Berisha tha se nga nesër çelet një lëvizje e fuqishme për të përmbysur regjimin.
“Zemërimi, revolta, padurimi i qytetarëve shqiptarë po kulmon po rritet çdo orë me padurimin më të madh po presin protestën e nesërme në orën 16:00 të pasdites si një ngadhënjim të plotë të popullit opozitar, si një dëshmi përfundimtare e vendimit të këtij populli për të mos pranuar kurrë më armikun e egër të votës së tyre të lirë, të sillet si është sjellë me ta. Për të mos pranuar kurrë më një kryehajdut të të gjitha kohërave për t’i vjedhur, për ti varfëruar e mjeruar.
Një armik i egër i opozitës, pas Enver Hoxhës, Edi Rama është armiku më i papajtueshëm me opozitën.
Shqiptarët e shohin se cfarë fjalori të ulët prej halabaku ordiner përdor ky njeri për opozitën.
Shqiptarët konstatojnë se i mbruajtur me edukatën e babait xhelat, trashëgiminë e dajos xhelat ky ka për kundërshtarin psikologjinë e xhelatit.
Të gjitha këto janë temat e protestës.
Qytetarët nesër do njihen me alternativën antikrizë të PD dhe opozitës.
Ftoj cdo shqiptar, demokratë, qytetarë pa parti, anëtarë të partive të tjera opozitare, por dhe socialistë që janë shumë më afër nesh se sa sektit të Rilindjes të celim me atë protestë një lëvizje të fuqishme që ka si synim madhor përmbysjen e këtij regjimi antishqiptar. Ka si synim madhor rikthimin e Shqipërisë në standertet demokratike, votën e lirë, ndëshkimin e hajdutëve gtë pasurive të saj e fondeve publike, shpartallimin e krimit të organizuar me zero tolerancë, vendimet për Shqipërinë mos merren në Beograd, Ankara, përvec se në Tiranë nga shqiptarët.
Të largojmë pra një person një antishqiptar, një armik të qenies sonë sa më parë nga pushteti. Protesta ju e shihni, sirenat e zemërimit e urrejtjes së papërmbajtur ndaj kësaj qeverie, e dhimbjes, mjerimit të shqiptarëve, po ulërijnë në zemrat e gjithë shqiptarëve në katër anët e vendit.
Mirënjohje për ata që do mbushin rrugët e sheshet nesër.”– tha Berisha.
Berisha tha se të gjithë deputetët janë të ftuar nesër në protestë, me përjashtim të paraardhësit të tij, Lulzim Basha.
“Të gjithë mund të vijnë përveç Lulzim Bashës i cili duhet të sqarojë akuzën e tmerrshme që ka. Të tjerët janë anëtarë të PD-së dhe nuk mund të më marrin leje mua ata që të protestojnë kundër qeverisë. Basha ka një akuzë të tmerrshme, ka deklaruar që nuk është e vërtetë, por nuk ka dhënë asnjë fakt e provë për ato akuza konkrete që ekzistojnë aty. Hetimi nga selia po vazhdon. Mendoj se është i detyruar të ketë burrërinë të tregojë dhe në qoftë se i takon të hyjë brenda, ose të shpallet i penduar i drejtësisë dhe të tregojë të vërtetën”, u shpreh Berisha.
Berisha kishte një thirrje edhe për policinë e shtetit e cila sipas tij duhet të zbatojë ligjin dhe mos bëhet mburojë e Edi Ramës. Berisha u kërkon që të mos revoltojnë qytetarët gjatë protestës së nesërme.
Berisha tha se protesta do të zgjatë deri sa të dojë populli opozitar.