Kreu i PD-së, Sali Berisha tha sot se të gjithë deputetët janë të ftuar në protestën që do të mbahet pasditen e nesërme përballë Kryeministrisë, me përjashtim të paraardhësit të tij, Lulzim Basha.
“Të gjithë mund të vijnë përveç Lulzim Bashës i cili duhet të sqarojë akuzën e tmerrshme që ka. Të tjerët janë anëtarë të PD-së dhe nuk mund të më marrin leje mua ata që të protestojnë kundër qeverisë.
Basha ka një akuzë të tmerrshme, ka deklaruar që nuk është e vërtetë, por nuk ka dhënë asnjë fakt e provë për ato akuza konkrete që ekzistojnë aty. Hetimi nga selia po vazhdon. Mendoj se është i detyruar të ketë burrërinë të tregojë dhe në qoftë se i takon të hyjë brenda, ose të shpallet i penduar i drejtësisë dhe të tregojë të vërtetën”, deklaroi Berisha.
Berisha tha se qytetarët nesër do njihen me alternativën antikrizë të PD dhe opozitës.
Duke i bërë thirrje qytetarëve që të marrin pjesë në protestë, Berisha tha se nga nesër çelet një lëvizje e fuqishme për të përmbysur regjimin.
