Një trup njeriu është gjendur pasditen e së martës në një plazh në zonën e Qepariasia në Peloponez të Greqisë, nga një banor i zonës i cili po shëtiste qenin e tij.
Sipas policisë lokale viktima është Eni Dollani nga Gramshi. Trupi i viktimës pasi ishte masakruar, u gropos një një varr të hapur rishtaz prej autorëve.
Mbas hetimeve,autoritet mundën të sigurojnë nga kamerat e sigurisë në lokalet e zonës, imazhin e tre personave të dyshuar si autorët e vrasjes së Dollanit, me të cilët viktima ishte në një lokal duke konsumuar pije alkoolike.
Policia ka arrestuar një grua greke, dhe dy meshkuj, një shqiptar dhe një pakistanez të cilët po merren në pyetje në drejtorinë e policisë së Mesinias (kalamata). Emrat e autorëve të dyshuar nuk bëhen publikë për momentin.
Ende nuk dihet arsyeja që i shty autorët të ekzekutojnë Dollanin, por mësohet se viktima kishte me vete një shumë afro 12000 euro,të cilat nuk iu gjetën në xhep kur u zbulua trupi i tij.
