Kreu i Partisë Demokratike, Sali Berisha ka mbërritur në Kuvend ku ka sulmuar kryeministrin Edi Rama për të cilin tha se bashkëpunon me Aleksandër Vuçiç.
Gjatë fjalës së shkurtër nga foltorja, Berisha tha se në Portin e Durrësit do të zhvillojhet mega afera më e madhja e Europës.
“Zonja përmendi këtu vitin 2013, ajo që mund tu them shqiptarëve është se pasi kanë marrë mbi 500 miliard lekë çdo vit borxh dhe kanë rritur borxhin në 107 %, perveç vilave, bauleve dhe kontove të fshehta të tyre, këta vjedhës nuk janë në gjendje të thonë asgjë përveç pasurimit të tyre. Ka ikur njeriu që ka për flamur flamurin e Vuçiçit, se afera e Durrësit është afera e Rama-Vuçiç, qëndrojnë vëllezërit Kariç të sanksionuar nga SHBA-të dhe bëjnë biznes me holdingun që ka blerë kompanitë e tij. Dubai i Ramës në Durrës është mega afera më e madhe në Evropë, kjo është e vërteta, kjo është e vërteta, flamuri i tij, është flamuri i vjedhjes, atdheu i tij është Beogradi”, tha Berisha.
