Policia e Pogradecit ka filluar një procedim penal ndaj shtetases B. Sh., banuese në fshatin Shpellë.
Uniformat blu bëjnë me dije se 39 vjeçarja ka goditu me sende të forta shtetasen F. Sh., 53 vjeçe, banuese në Bishnicë.
“Specialistët për Hetimin e Krimeve në Komisariatin e Policisë Pogradec referuan materialet në Prokurori dhe filloi procedimi penal për shtetasen B. Sh., 39 vjeç, banuese në fshatin Shpellë, Pogradec, për veprën penale “Plagosja e lehtë me dashje”, pasi në fshatin Bishnicë, për motive të dobëta ka goditur me sende të forta shtetasen F. Sh., 53 vjeçe, banuese në Bishnicë, duke i shkaktuar dëmtime të lehta”, njofton policia.
Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.
