Me urdhër të spak policia shqiptare dhe homologët e tyre spanjoll kanë zhvilluar një operacion në disa qytete të vendit ku dyshohet se përmes call centerave janë mashtruar qytetarë të huaj të cilave u janë marrë miliona euro.
Kontrollet u ushtruan pasdite në një call-center në qytetin e Vlorës në lagjen Pavarësia ku u shoqëruan mbi 15 persona.
Ndërsa janë ushtruar kontrolle dhe në Elbasan, në një call center, ku janë ndaluar 2 persona dhe janë shpallur në kërkim tre të tjerë.
Janë sekuestruar në cilësinë e provës materiale servera dhe dokumenta që provojnë mashtrimet që kryheshin nëpërmjet këtij call center, mashtrime të cilat kapin shifrat e miliona eurove.
Bëhet me dije se viktima të mashtrimeve janë shtetas të huaj kryesisht spanjollë dhe gjermanë.
Policia e Shtetit dhe SPAK nuk kanë dhënë ende një informacion zyrtar pasi operacioni është në vijim dhe po shtrihet në disa qytete të Shqipërisë.
