Vllaznia renditet në 3 vendet e para në 11 javët e para të kampionatit shqiptar. Një nga protagonistët e shkodranëve është edhe Erdenis Gurishta (I ftuar së fundmi në Kombëtarja).
Në një intervistë të dhënë mbrëmjen e sotme në emisionin Sport News në News 24, mbrojtësi deklaroi se është krenar të përfaqësojë ngjyrat kuqezi, ndërsa për Vllazninë u shpreh se skuadra nuk ka dhënë maksimumin e duhur në 11- javët e para të kampionatit.
Ftesa nga Kombëtarja– “Është emocion të veshësh fanellën e Kombëtares. Gjithmonë do jem i gatshëm që të kontribuoj.
Grumbullimi– Kemi pak ditë përgatitje, po merremi me pjesën taktike. Stafi është korrekt dhe ne jemi gati.
Reja- Është trajner shumë strikt. Ne jemi lojtarë të rinj dhe merremi shumë me këtë pjesë. Stërvitjet janë të shkurta, pasi nuk ka shumë kohë në dispozicion. Të folurit për të ardhmen e tij i takon dikujt tjetër.
Vllaznia- Mundësitë tona kanë qenë shumë më të mëdha. Nuk jam shumë i kënaqur me paraqitjet e ekipit. Duhet të kishin më shumë pikë. Kampionati duket i çuditshëm, mundet që çdo ekip të fitojë. Ne kemi fituar me Tiranën dhe jemi mposhtur nga Egnatia. Ky është vitit i 3-të që pretendojmë titullin. Ecuria jonë e mirë bëri që ne të fillojmë të mendojmë për të qenë pretendent. Ne kemi shumë lojtarë të mirë. Mendoj se kur të kemi të gjithë futbollistët në dispozion, mund të jemi edhe më të fortë. Në kampionat nuk ka favorit. Mendoj se Tirana dhe Partizani janë rivalët tanë” – Tha ai.
