Kryetari i Partisë Demokratike, Sali Berisha ka publikuar disa mesazhe që i janë dërguar socialistëve të Korçës në aplikacionin Whats App, ku iu është kërkuar përmes presionit të mbështesin me “pëlqime” në rrjetet sociale postimet e kryebashkiakut Sotiraq Filo, gjatë vizitës së kryeministrit Edi Rama në qytetin jug-lindor.
Në mesazhet e publikuara nga Berisha, kordinatorëve socialistë u kërkohet që të informojnë punonjësit e Bashkisë Korçë t’i japin “like” postimeve të “Raqit”, pasi siç shkruan një prej tyre, “janë të identifikueshëm ata që nuk e kanë bërë”.
“Miq, nuk do ju besoni syve kur të lexoni për Raqin(Ramën)!! ”, shkruan ish-kryeministri Sali Berisha teksa publikon edhe foton.
Mesazhet e publikuara nga Berisha:
Forwarded: Postimet e Raqit kanë shumë pak like, kështu që janë të identifikueshëm ata që nuk e kanë bërë. Ju lutem kordinatorëve tja përcjellin këtë gjë punonjësve
Forwarded: Katër postimet e sotme të Raqit likeeeeeeee pa përjashtim
Denis: e bëra të 4
Irena: Faleminderit shumë
