Banorët e fshatit Bërxullë kanë protestuar sërish te Bashkia e Vorës të cilës i kanë kërkuar shpjegime për e rrugës Thumanë-Kashar. Sipas tyre, projekti nuk është konsultuar me banorët dhe kompania nuk kanë asnjë të drejtë të vijojë punën në terren.
Ata i kanë bërë thirrje kryebashkiakut që të ndalojë punimet pasi firma që zhvillon aktivitetin është në kundërshtim me ligjin. Banorët thonë se në dokumentet e bashkisë del që është bërë konsultimi publik, por kjo shtojnë ata nuk është e vërtetë.
“Ka asnjë lloj njoftimi. Kemi paraqit shkresa dhe ankesa, që në momentin e parë kur kanë vënë piketat nëpër tokat tona, por ne nuk kemi marrë asnjë reagim. Sipas tyre, del që është bërë konsultimi me banorët. Të dalë bashkia dhe të japë një shpjegim se kur është bërë ky konsultim publik me banorët. Ne i kërkojmë shpjegimet se kush e ka bërë këtë. Ku i morën ata të dhëna se ne kemi qenë dakord që të vijojë projekti. Të gjithë këto struktura nuk dalim për të dhënë një sqarim. Në do t’i çojmë deri për ndjekje penale”, thonë banorët.
“Sot nga bashkia i kërkojmë që në ditën e parë që ka filluar zhvillimi i projektit jo në territorin tonë faktikisht por në territoin e bashkisë në një fshat që është ngjitur me fshatin tonë ku ka filluar aktiviteti gati e ka shtruar tapetin. Ditën e parë ne kemi kërkuar nga kryetari i Bashkisë i cili ka edhe struktura të tjera se duhet të kishte ndërhyrë që në momentin e parë sepse firma e cila zhvillon aktivitetin është në kundërshtim me ligjin sepse nuk ka leje ndërtimi nuk ka vendim shpronësimi edhe sikur mos ketë indicie nga banorët, vetë bashkia duhet të shkojë me policinë dhe të pezullojë punimet pra që në momentin e parë që e konstaton këtë”, tha njëri prej banorëve.
