Kryeministri Edi Rama vijon fushatën e tij të sulmeve ndaj mediave në vend.
Pas një raportimi të Zërit të Amerikës, me titull “Media në Shqipëri, Gazetarët: Përkeqësim i treguesve të lirisë së shprehjes”, Rama thotë se në Shqipëri nuk ka asnjë media pro-qeveritare.
Më tej, sulmon mediat dhe shton se liria e shprehej është përkeqësuar për qeverinë.
“Jam shumë dakord! Fakti është që në Shqipëri nuk ka asnjë media pro-qeveritare dhe shumica dërmuese e tyre janë maska rublaxhinjsh a gjobaxhinjsh kundër qeverisë! Liria e shprehjes është përkeqësuar aq ndjeshëm për qeverinë, sa pa rrjetet sociale s’do tregonim dot 95% të punëve”, shkruan ai në Twitter.
Jam shumë dakord! Fakti është që në Shqipëri nuk ka asnjë media pro-qeveritare dhe shumica dërmuese e tyre janë maska rublaxhinjsh a gjobaxhinjsh kundër qeverisë! Liria e shprehjes është përkeqësuar aq ndjeshëm për qeverinë, sa pa rrjetet sociale s’do tregonim dot 95% të punëve! pic.twitter.com/bXcR73wyFr
— Edi Rama (@ediramaal) November 2, 2022
