Kryeministri Edi Rama vijon sulmet ndaj mediave, raportimet e të cilave nuk shkojnë në një linjë me propagandën e tij qeveritare. Së fundi, kryeministri ka bërë dy reagime në Twitter për dy kronika të përgatitura nga Top Channel dhe News 24.
“Gënjeshtra më e madhe është gjysëm e vërteta! Familja trajtohet me bonus qeraje! S’ka pranuar te levizi, bashkia i ka çuar kontenier. S’ka pranuar as të marrë grantin ta ndërtojë vetë shtëpinë që tani po ia bën bashkia. Po këto publiku s’duhet t’i dijë se duhet rrëzuar qeveria!”, shkruan Rama për kronikën e Top Channel.
Në një tjetër reagim, kryeministri e ka me kronikën e News 24 për fermerët në Korçë.
“Ja fytyra e gënjeshtrës më të madhe: Gjysëm e vërteta! Këta fermerë janë realë, por s’janë të gjithë fermerët e Korçës, po një pakicë e vogël e atyre që kontribuojnë në rritjen e eksporteve tona! Mirëpo këta të dytët s’kanë vend në kanal/portalet e gjobaxhinjve kundër qeverisë!”, shkruan Rama.
Ndërsa pronarit të News 24 i prishi pishinat në fillim të shtatorit në resortin në Durrës, është ende e paqartë prishja e raporteve të Ramës me Top Channel. Ky i fundit ka disa ditë që raporton fort kundër qeverisë, dicka e pazakontë këto 10 vite të pushtetit të Ramës, duke ditur që kjo media ishte mbështetëse e tij. Kryeministri ndonëse nuk e përmend me emër televizionin, e akuzon për gjobvënie dhe përfitime të paligjshme.
Gënjeshtra më e madhe është gjysëm e vërteta! Familja trajtohet me bonus qeraje! S’ka pranuar te levizi, bashkia i ka çuar kontenier. S’ka pranuar as të marrë grantin ta ndërtojë vetë shtëpinë që tani po ia bën bashkia. Po këto publiku s’duhet t’i dijë se duhet rrëzuar qeveria! pic.twitter.com/gyZTX9c7K5
— Edi Rama (@ediramaal) November 1, 2022
Ja fytyra e gënjeshtrës më të madhe: Gjysëm e vërteta! Këta fermerë janë realë, por s’janë të gjithë fermerët e Korçës, po një pakicë e vogël e atyre që kontribuojnë në rritjen e eksporteve tona! Mirëpo këta të dytët s’kanë vend në kanal/portalet e gjobaxhinjve kundër qeverisë! pic.twitter.com/uimGmGi3lH
— Edi Rama (@ediramaal) November 1, 2022
