Policia e Tiranës ka dalë me njoftim zyrtar në lidhje me plagosjen me thikë ndodhur këtë pasdite në Tiranë.
Në njoftim bëhet me dije se Adrian Ismailaj, 47 vjeç është plagosur me thikë dhe është dërguar në spital.
Autori është identifikuar si M. C., 38 vjeç, i cili është shpallur në kërkim.
Shkak për ngjarjen ka qenë zhurma që po bënte i plagosuri teksa luante domino me një person tjetër.
Aty ka nisur edhe konflikti.
Pasi kanë debatuar, janë kapur fizikisht dhe pastaj autori ka nxjerr thikën dhe e ka qëlluar.
I plagosuri ka marrë një goditje në gjoks, por mësohet se është jashtë rrezikut për jetën.
Njoftimi i policisë
Me datë 01.11.2022, te Oxhaku, si pasojë e një konflikti të çastit, shtetasi M. C., 38 vjeç, dyshohet se ka plagosur me mjet prerës thikë, shtetasin A. I., 47 vjeç, i cili ndodhet në spital, nën kujdesin e mjekëve.
Grupi hetimor nën drejtimin e Prokurorisë po punon për kapjen e autorit dhe sqarimin e rrethanave të ngjarjes.
