Belind Këlliçi, kandidati në Primaret e Partisë Demokratike për Tiranën, thotë se Erion Veliaj është modeli më i keq i antivlerave të promovuara gjatë qeverisjes së Edi Ramës.
I ftuar në ‘A Show’ në SYRI TV, Këlliçi tha se Veliaj dhe Rama kanë vjedhur me kullat, kanë betonizuar Tiranën dhe i kanë marrë frymën kryeqytetit.
‘Unë për këtë djalin them se ka vjedhur me kullat, ka betonizuar Tiranën, i ka marrë frymën kryeqytetit. Jo vetëm ky djali, por edhe ai djali tjetër që ishte 11 vite kryebashkiak, Edi Rama kanë pasur një premtim për Tiranën policentrike që mbetur një premtim në letër, sepse kjo shpjegon arsyen se pse vetëm në zemër të Tiranës, ndërtohen kulla, sepse fitimi është më i madh. Unë jam një djalë i ndershëm, që nuk i kam futur askujt dorën në xhep dhe nuk kam asnjë akuzë.
Kemi skandalin e mafias së Ndraghetën, mafian e plehrave, skandali i inceneratorit të Tiranës, skandali i Ardit Gjoklajt që ka humbur jetën dhe është mbyllur me procedurë dosja dhe një nga kërkesat e mia të para do të jetë rihapja e asaj çështje. Do të bëj transparencë për inceneratorin e Tiranës dhe se çfarë ka ndodhur me lejet e ndërtimit dhe betonizimit. Unë nuk jam kundër zhvillimit, por kundër vjedhjes.
Shoh një padurim dhe panik të madh për tu zyrtarizuar si kandidat i PS-së pasi ende nuk është zyrtarizuar. Unë shikoj një padurim të tij që të marrë një mandat tjetër për kopsitur problemet që ka me drejtësinë. Vetëm dje është thirrur në SPAK drejtoresha e urbanistikës dhe ende nuk dihet se pse ka ndodhur.
Unë jam i bindur që në 14 maj, Tirana i kthehet qytetarit.
Sot Veliaj më i keq i promovimit të antivlerave gjatë qeverisjes së Ramës’ – tha Këlliçi.
