Një konflik ka ndodhur këtë të Martë mes dy të rinjve në Durrës.
Mësohet se pak më para në sheshin “Pranvera” gjatë një sherri për motive të dobta ka mbetur i plagosur një 16-vjeçar.
Policia bën me dije se ngjarja ka ndodhur në ambientet e nje lokali.
“Rreth orës 12:55, në lagjen nr. 11, Durrës, dyshohet se gjatë një konflikti për motive të dobëta, midis shtetasit A. M., 20 vjeç dhe një 16-vjeçari, në ambientet e jashtme të një lokali, shtetasi Alesjo Musai ka plagosur me mjet prerës (thikë), 16-vjeçarin, i cili ndodhet në spital, nën kujdesin e mjekëve.”, njofton policia.
Menjëherë, shërbimet e Policisë kanë mbërritur në vendngjarje dhe kanë shoqëruar në Komisariat, për veprime të mëtejshme, shtetasin Alesjo Musain.
Vijon puna për dokumentimin e plotë të kësaj ngjarjeje.
