Kryeatri i Partisë Demokratike Sali Berisha ka reaguar pas raportit të “Wold Justice Project për Treguesin e Shtetit Ligjor”, ku Shqipëria renditet në vendin e 87-të, një vend më poshtë se Gambia.
Sipas kryedemokratit vendi ynë rënditet katër vende poshtë Vietmanit dhe pse atje është diktaturë komuniste dhe qeveris vetëm një parti. Berisha tha se kjo është dëshmi se dhe në Shqipëri të gjitha pushtetet i ka në dorë Partia Socialiste.
Berisha theksion se revolucioni demokratik është vendimtar teksa akuzon qeverinë se ka blerë e plaçkitur votat me patronazhistët. Sipas kreut të selisë Blu në Shqipëri nuk kemi të bëjmë me diktaturë ideologjike por kemi të bëjmë me sundim njëpartiak të bazuar në drogën dhe krimin.
“Shqipëria, sipas “ëold Justice Project për Treguesin e Shtetit Ligjor”, renditet në vendin e 87-të, apo 4 vende nën Vietnamin komunist dhe një vend më poshtë se Gambia. Vietnami është diktaturë komuniste, pra të gjitha pushtetet i ka Partia Komuniste e cila bazuar në doktrinën Marksiste-Leniniste dhe jo votën e qytetarëve, ka rolin e saj rolin udhëheqës të garantuar me ligje. Në Vietnam zgjedhjet bëhen, por janë fiktive. Pra, në Vietnam kemi të bëjmë me diktaturë ideologjike. Në Shqipëri, e cila për “Treguesin e Shtetit Ligjor” renditet katër shkallë apo katër vende më poshtë se Vietnami, të gjitha pushtetet i ka Partia Socialiste e cila bazohet në vjedhjen, krimin dhe drogën. Në Shqipëri, njesoj si në Vietnam, zgjedhjet janë fiktive sepse votën Edi Rama e plaçkit dhe e dhunon me patronazhistët, bandat e krimit dhe narko-eurot. Pra në Shqipëri nuk kemi të bëjmë me diktaturë ideologjike por kemi të bëjmë me sundim njëpartiak të bazuar në drogën dhe krimin, pra me narko-diktaturë. Me të drejtë lind pyetja: Po si ka mundësi që Vietnami i diktaturës komuniste qëndron katër shkallë“, shkruan Berisha.
