Gazetari Klodian Tomorri, ka reaguar pasi hackerat iranianë, publikuan fluturimet e kryeministrit Rama, me charter personal.
Përmes një postimi në rrjetin e tij social fb, Tomorri i bën thirrje opozitës të kërkojë ngritjen e një komisioni hetimor në Parlament në lidhje me fluturimet e Kryeministrit.
Tomorri shkruan se duhen mbledhur të githa faturat për të parë se sa kanë kushtuar në total këto fluturime dhe se me çfarë parash janë realizuar, ndërsa thekson se problem nuk janë shpenzimet e bëra, por financimi i fluturimeve të kryeministrit me xhepa të fshehtë jashtë buxhetit.
Postimi i Tomorrit:
Opozita duhet te kerkoje komision hetimor ne Parlament per fluturimet e Kryeministrit. Ka nje pyetje sot qe nuk di t’i pergjigjet askush. Me cfare dhe kush i financon fluturimet e Kryeministrit? Behet nje komision hetimor dhe kerkohen faturat per te pare sa kane kushtuar dhe si jane paguar parate. Dhe ketu shqetesimi nuk eshte, qe kryeministri po shpenzon para per fluturime. Le te shpenzoje dhe 100 milione euro nese duhet. As qe Kryeministri ka avion personal. Bile, shume mire qe e ka se ne fund te fundit ai perfaqeson shtetin. Problemi eshte tek fshehja e financimeve. Nuk ka vend ne bote qe lejon kryeministrin te financoje aktivitete me xhepa te fshehte jashte buxhetit. Se mund te na ndodhe qe po ia paguan mafia fluturimet kryeministrit. Ose biznesmenet ne kembim te favoreve. Dhe ka dhe nje problem tjeter shume te madh. Nuk ka asnje bilanc te Air Albanias, pas vitit te pare qe u hap kompania. Nuk dihet se cfare ndodh aty. Po kjo s’mund te jete keshtu.
