Kreu i Sindikatës së Pedagogëve, Sandër Kovaçi duke iu përgjigjur kryeministrit Edi Rama i ka sugjeruar që ky i fundit mos të merret me biografi të personave, nëse kanë qenë apo jo pjesë e sigurimit të shtetit. Kovaçi theksoi se ka dalë me nota dhjetë nga fillorja deri në Universitet.
“Zoti Rama ju drejtohemi ju, por se kemi vetëm me ju personalisht, i drejtohemi dhe Këshilli të Ministrave, plotësoni kërkesat. Se kemi personale me ju. Mos u merr me çështjes personash, me biografi të sigurimit të shtetit. Jam i zgjedhur nga Këshilli Drejtues kështu që deri në 2023 do ta kem këtë mandat. Nuk e kam nxjerrë me mik notën mesatare 10 nga klasa e parë deri në universitet. Nuk ka të bëjë me një person që ka ardhur nga rruga”, tha Kovaçi.
Kreu i Sindikatës së Pedagogëve Sandër Kovaçi deklaroi sot se protesta duhet të vazhdojë që universiteti të mos shkojë drejt greminës.
“Situata aktuale është që gjendja e universiteteve me këtë lloj financimi të kërkimit shkencor, me këtë lloj nënvlerësimi të këtij sektori nga qeveritë, përfshirë rëndimin e kësaj situatë me qeverinë aktuale, këtu do përfundojë, me universitete që bien gjithnjë e më poshtë. Do ngelemi pa studentë. Sot është momenti pa kthim për të ndjekur protestën tonë, që të bëhet diçka për universitetet që të mos shkojnë drejt greminës. Në lidhje me trajtimin financiar, synimi ynë është të ndryshojmë sistemin tonë. Duhet të vlerësohet pedagogu në mënyrë që të rrisë sasinë e kohës. Duam që atë kohë që pedagogu e vlerëson për të mbajtur familjen, ai të ketë mundësinë që kjo kohë t’i paguhet në universitet”, tha Kovaçi.
Para Korpusit Universitar ai i bëri thirrje rektorëve që të mbështesin protestën dhe të thërrasin Konferencën e Rektorëve. Kovaçi deklaroi se nuk do të detyrohen me këtë rast që të mësojnë gjuhën e Bangladeshit, pasi në fakultetet e tyre do mësojnë të rinjtë nga ky shtet, pasi shqiptarët do ikin me gjasa.
“I bëj tirrje rektorëve të universiteteve publike, kishte përmirësim herën e fundit në diskutime, por mbani qëndrim për këtë protestë. Ky është shansi i fundit për të bërë një ndryshim në arsim. Mblidhni konferencën e Rektorëve, mbani qëndrim. Dikur është mbajtur. Në të kundër do e mbani arsimin në gjendje kënetore, dhe të na iknin me gomone studentët. Reklama e studentëve nga Bangaladeshi nuk shkon. Të mbështesim studentët tanë dhe jo të mësojmë gjuhën e Bangladeshit”, përfundoi Kovaci.
