Policia vrau Klodian Rashën, iku Sandër Lleshaj dhe Ardi Veliu, por dhuna vazhdoi.
Policia vrau Jurgen Dukën dhe Jonada Avdian, iku Gledis Nano, por dhuna policore vazhdoi.
Sot shohim që Laer Kurti, ka vdekur në duart e policisë.
Dhuna vazhdon dhe do të vazhdojë derisa të largohet burimi i kësaj dhune, i cili ka një emër: Edi Rama.
Është ai që e drejton dhe inkurajon këtë sistem represiv, që shtyp qytetarët e zakonshëm, pasi nuk arrin t’i bind dot më.
Kjo gjë nuk zgjidhet me largimin e drejtorëve, apo ministrave, sepse ata do vazhdojnë të ndjekin urdhrat e Edi Ramës, të cilit i intereson një polici të cilën e kanë frikë qytetarët e zakonshëm, por jo kriminelët.
Si ka mundësi që policia vret vetëm njerëz të pafajshëm? Si ka mundësi që policia nuk vret, qoftë edhe aksidentalisht, vrasësit me pagesë apo baronët e drogës?
Si ka mundësi që e njëjta polici që merr në mbrojtje Ervis Martinajn dhe Klement Balilin, vret djemtë e rinj që rrinë në lagje?
Kjo ka vetëm një shpjegim, dhe ai ka një emër, quhet Edi Rama.
Në 10 vite qeverisje, ai ka ndërtuar një Polici të dhunshme, represive, që shkon deri në vrasjen e qytetarëve të zakonshëm.
Në 10 vite në pushtet, ai ka pajisur me armatime, me gaz dhe instrumente dhunë një polici të frymëzuar për të dhunuar qytetarët.
Policia sot duhet të reformohet, por ky reformim nuk mund të ndodhë përsa kohë në krye të shtetit është Edi Rama.
Prandaj pa ikur ai, askush nga ne nuk është i sigurtë. Fëmija e kujtdo mund të ketë të njëjtin fat si Klodiani, Laerit apo Jonadës.
Prandaj Edi Rama, më mirë jep dorëheqjen sot, përpara se të përballesh me dëshpërimin e prindërve të cilëve pasi iu ke marrë pasurinë, tashmë po iu vë në rrezik edhe jetën e fëmijëve.
Dorëhiqu, përpara se të jetë shumë vonë!
/Nisma Thurje
