Kryetari i Partisë Demokratike, Sali Berisha tha se qeveria po ushtron presion ndaj pedagogëve me qëllim përçarjen e tyre.
Berisha tha se PD-ja mbështet protestën e tyre, ndërsa kritikoi ashpër sjelljen e qeverisë ndaj elitës së kombit, siç i cilësoi grupimin e pedagogëve.
“Ky blen jo vetëm vilën, por instilacionin e drurit për t’u kënaq në mëngjes Pashai kur hyn në zyrë. Ne duhet t’i dalim zot elitës, ne e mbrojmë, ne jemi krenarë për to. Janë personalitete, janë njerëz dhe janë njerëz që në kushte të vështira të bëjnë maksimumin. Nuk mundet për një rast apo tjetër, të përlyej të tërë botën akademike. Ne duhet të bëjmë gjithçka për të mbrojtur elitën kombëtare, e cila është në një sulm anormal. Ajo është lëvizje sindikaliste dhe ne e mbështesim. Ajo është lëvizje e sindikatave, ju them socialistëve që janë aty, ne mbështesin kauzën tuaj, sepse ajo kauzë është e drejtë. Universitetet janë një pasuri e çmuar kombëtare. Universitetet nuk janë sarajet e Surrelit, por është një investim kolosal që kanë bërë shqiptarët. Krye agjenda duhet të jetë mbrojta e elitës universitare dhe denoncimi i këtij agresioni ndaj tyre. Nuk mund të imagjinoni se çfarë terrori po ushtrohet për ti përçarë. Ne mbështesim grevën”, Berisha.
