Kryetari i Partisë Demokratike, Sali Berisha ka paralajmëruar se protestat nuk do të ndalen në vendin tonë pasi sipas tij kryeministri Edi Rama e ka shkelur vijën e kuqe.
Në mbledhjen e kryesisë së Partisë Demokratike, Berisha theksoi se situata në Shqipëri është shumë e rëndë për shkak të çmimeve të papërballueshme dhe arrogancës së qeverisë.
“Në jemi sot në një situata kritike, situatë e cila kërkon një angazhim të fuqishëm në procesin e primareve por kërkon një përpjekje po kaq të fuqishme për t’ju përgjigjur thirrjeve të qindra mijra zemrave dhe mendjeve të revoltuara të qytetarëve shqiptarë për organizimin e protestave të fuqishme në mbarë vendin.
Unë kuptoj dhe mirëkuptoj të gjithë ata qytetarë që nuk kanë mirëpritur shtyrjen e protestave që mezi presin të fillojë protesta, që shohin protestën si nje domosdoshmëri absolute ndaj një qeverie që nuk njeh ligj, nuk njeh normë, nuk njeh standard, ndaj një qeverie e cila me aktet dhe veprimet e saj vjedh nga mëngjesi në darkë qytetarët shqiptarë, mashtron, shkelmon mbi të drejtat e tyre dhe defakto shkelmon edhe interesin kombëtar të shqiptarëve. Nuk mund të vazhdohet më tutje me një njeri që mashtron në çdo gjë, që kërcënon me arrogancë çdo kërkesë të drejtë.
Nesër do të takohem me kryetarët e degëve në Tiranë dhe do të ndajmë detyrat për t’u angazhuar në veprimtari të shumë anshme, primaret janë primare, protestat nuk shtyhen më pasi Edi Rama ka qëllime ekstrem ndaj qytetarëve shqiptarë. Ky taton naftën 1.2 euro, kjo është logjika e një njeriu që udhëhiqet nga frika e tij psiqike dhe jo nga arsyeja logjit. Si mund ta tatosh 1.2 euro kur me këtë çmim nafta shitet në të gjithë Europën. Kjo qeveri ka kaluar linjën e kuqe ndaj duhet sytë dhe mendjen e shqiptarëve janë të përqendruar tek PD, beteja jonë fillon dhe nuk do të ndalet. Do të bëj takime me gjithë faktorët me gjitha partitë, sindikatat dhe do të fillojmë një lëvizje shpëtimtare ndaj kësaj qeverie. Përndryshe nuk ka të ndalur kjo qeveri me vjedhjet”, tha Berisha.
