Një shtetas serb është arrestuar në Hungari në akuzën se ka vrarë 33 persona gjatë luftës në Kosovë.
Serbi është arrestuar në bazë të një urdhër-arresti ndërkombëtar të lëshuar nga Përfaqësuesi Special i Sekretarit të Përgjithshëm të Kombeve të Bashkuara në Kosovë.
Urdhërarresti është lëshuar shtatorin e kaluar për shkak të krimeve të luftës të kryera kundër popullatës civile.
Autoritetet hungareze do të shqyrtojnë mundësinë e ekstradimit të të dyshuarit dhe Prokuroria, nëpërmjet Ministrisë së Drejtësisë, do të kalojë në kontakt me autoritetet gjyqësore të Kosovës.
