Sot ka nisur bojkoti pa afat i pedagogëve ndaj vitit të ri akademik.
Vendimi ka ardhur pasi qeveria, nuk është përgjigjur kërkesave të tyre për rritjen e rrogave me 30% dhe më pas 20% një vit më vonë. Një prej pedagogëve, sqaroi se nuk do të hynin në mësim as pas orës 12:00 dhe se greva do të ishte e përditshme nga ora 10:00 deri në orën 12:00. Ai tha se kjo gjendje do të vazhdonte derisa qeveria t’u përgjigjej kërkesave të tyre.
“Ne kërkojmë 30% rritje rroge vitin e parë dhe 20% në vitin e dytë. Ajo që na shtyn më tepër të vazhdojmë protestën, është mungesa e dialogut. Ne do azhdojmëtë jemi në protestë derisa ata të na kthejnë përgjigje për çfarë kemi kërkuar. Nuk po protestojmë për luks. Po protestojmë për dinjitetin tonë dhe fëmijët tanë. Dua të sqaroj një keqkuptim. Nuk do të hyjmë në mësim as pas orës 12:00. E njëjta gjë do të përsëritet edhe të nesërmen dhe në vazhdim nga ora 10:00 deri në 12:00”-tha pedagogu.
Kujtojmë që ditën e sotme në mbështetje të kësaj greve ka ardhur edhe nga kreu i Partisë Demokratike Sali Berisha i cili shkruan se sindikalistët i kanë dhënë përgjigjen e merituar “cinizmi, arrogancës dhe vjedhjeve të Edi Ramës dhe qeverise së tij hajdute”.
Kërkesat e pedagogëve:
-Rritja e pagave për pedagogët dhe stafin ndihmës.
-Rritja e financimit për kërkimin shkencor.
-Rivendosja e shtesave mbi pagë për ‘Dëshmi shëndeti në punë’.
-Rritja e shtesës mbi pagën për vjetërsinë në punë.
-Rritja e pagesës së orëve të ngarkesës suplementare.
-Rivlerësimi i orës mësimore pas ka zbritje prej 50% të pagesës së orës mësimore si rezultat i mosfierencimit të orës mësimore të leksionit.
-Rishikimin e tatimit prej 23% mbi pagesën e ngarkesës suplementare.
-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.
-Të bëhet transparencë mbi buxhetin dhe të ardhurat e universitetet publike
