Sulmuesi i PSG-së dhe skuadrës argjentinase të futbollit, Lionel Messi, i cili eshte duke kaluar nje super sezon deri tani ne France dhe se ka bere te harrohet ai deshtim vjet kur nuk ishte ai Messi qe kemi pare te Barcelona, ka folur per Kupen e Botes qe do te nise pas thuajse 1 muaji…
Argjentinasi beson se Brazili dhe Franca janë favoritët më të mëdhenj të Botërorit të ardhshëm në Katar. Botërori fillon së shpejti, pas pak më shumë se një muaji, por Messi nuk e përfshiu kombëtaren e tij në rrethin më të ngushtë të favoritëve.
“Kur flasim për favoritë, sigurisht që ka kombëtare të mëdha si Brazili, Gjermania, Anglia dhe Spanja. Duhet të kem harruar dikë tjetër. Nëse do të më duhej të zgjidhja një ose dy kombëtare, atëherë do të thosha se Brazili dhe Franca janë dy favoritët më të mëdhenj për të fituar kampionatin botëror”, tha Messi për Direct TV.
Krahasuar shpesh me bashkatdhetarin e tij Diego Armando Maradona, Leo konsiderohet si një nga futbollistët më të mirë të të gjitha kohërave. Ai është aktualisht golashënuesi i tretë më pjellor në historinë e futbollit, golashënuesi më i mirë i Amerikës së Jugut të ekipeve kombëtare të futbollit dhe asistuesi më i mirë ndonjëherë (382).
41 trofetë zyrtarë të fituar në karrierën e tij e bëjnë atë lojtarin e dytë për trofetë e ekipit në histori. Ai është përfshirë edhe në listën e lojtarëve me të paktën 1000 paraqitje në karrierë. Ai mban rekordin për golat e shënuar në garat zyrtare si në një sezon të vetëm (82 në 2011-2012) dhe në një vit kalendarik (91 gola në 2012). [14] Ai është gjithashtu lojtari me rekord për gola (32) dhe asistime (15) në finale në garat zyrtare. [15]
