Arrestohet 24-vjeçari i shpallur në kërkim për vjedhje në Kurbin.
Në prangat e policisë ka rënë shtetasi Orges Filaj i cili është dënuar nga Gjykata e Rrethit Gjyqësor Tiranës me 2 vjet burgim për veprat penale “Vjedhja” dhe “Largimi i të burgosurit nga vendi i qëndrimit”.
“Shërbimet e Komisariatit të Policisë Kurbin, si rezultat i veprimeve të koordinuara policore dhe shkëmbimit të informacionit me struktura të tjera, me qëllim kapjen e personave në kërkim dhe vendosjen e tyre para përgjegjësisë ligjore, si dhe bazuar në informacionet e marra në rrugë operative, kanë lokalizuar dhe kapur në fshatin Sanxhak, shtetasin e shpallur në kërkim:
– Orges Filaj, 24 vjeç, banues në Kurbin, pasi Gjykata e Rrethit Gjyqësor Tiranë, e ka dënuar me 2 vjet burgim për veprat penale “Vjedhja” dhe “Largimi i të burgosurit nga vendi i qëndrimit”, njofton policia.
I ndaluari iu dorëzua shërbimeve të Drejtorisë Vendore të Policisë Tiranë, për veprime të mëtejshme procedurale.
