Pas akuzave të bëra nga Ativie Qazimllari se Dionis Myrtollari, i kishte ngacmuar djalin me probleme të shëndetit mendor, i akuzuari së bashku me familjen e tij dhe banorë të fshatit të Porodinës, kanë dalë në protestë para komisariatit të policisë së Korçës.
Në intervistë për mediat këta të fundit kanë mohuar akuzat dhe duke kërkuar të zbardhet ngjarja pasi dhe gjendja e fëmijëve të Dionisit është përkeqësuar nga ana psikologjike.
“Me ctë drejtë e kanë marrë, pse e denoncuan, kush i tha këto gjëra. Ose se mbajtën burg. Ai nuk ka bërë këto gjëra, ka 3 fëmijë për të ushqyer, më ca të drejtë, shumë të shqetësuar, gjej fëmijët duke qarë. Dua të drejtën e burrit, të nderit dhe familjes time. Jam me nënë, dajën, burrin me gjithë fshatin”, tha gruaja e tij.
Në mbrojtje të tij kanë dalë banorët e fshatit të cilët në shenje proteste janë shprehur
“Dionisi është një djalë i mirë, nuk është fare problematik dhe nuk ka bërë asgjë nga këto që thotë ajo familja. Ajo familje është e shkatërruar dhe me probleme mendore. Kërkojmë që të zbardhjet ngjarja, për këtë arsye jemi të gjithë këtu në mbështetje të Dionisit”- shprehen ata.
“Të zbardhet e drejta që më kanë akuzuar nuk di ca të bëj, kam njoftuar policinë, ai është budalla, kam 3 fëmijë, ai është i sëmurë mendor, ta gjej shteti, të bëjnë ca të duan. Nuk dalin dot fëmija jashtë, më kanë akuzuar kot, të zgjidhet e drejta, më kanë shkaterruar fëmijët, kam tërë fshatin”- u shpreh Dioniosi për mediat.
Ishte Ativie Qazimllari, e cila akuzoi komshiun e saj se ky i fundit ka rrahur dhe abuzuar seksualisht me djalin e saj me probleme të shëndetit mendor
