Prokuroria e Posaçme kundër Korrupsionit dhe Krimit të Organizuar (SPAK) ka kërkuar nga Gjykata konfiskimin e pasurive të Redjan Rajës.
Nip i deputetit të PS-së, Redjan Raja është një personazh i njohur për drejtësinë dhe policinë pasi emri i tij shpesh herë është lidhur me botën e krimit.
SPAK kërkon sekuestrimin e 7 pasurive që zotëron Redjan Raja, një shumë të caktuar parash dhe sende të tjera me vlerë.
Mësohet se mes pasurive që është kërkuar të sekuestrohet, është një makinë tip ‘Audi A8’ që në pronësi figuron të jetë e Kejvina Kthellës. SPAK bën me dije se kjo makinë ishte në zotërim të tërthortë nga Rraja.
“Kërkohet sekuestrim i automjetit me ngjyrë gri të tipit Audi A8, sekuestruar shtetases K. K. por që është në zotërim të tërthortë të shtetasit R. Rraja.”, thuhet në njoftimin e prokurorisë.
Kujtojmë se modelja dhe ish-velina Kejvina Kthjella u vu në qendër të mediave për shkak të raportit të saj më Redjan Rrajën, njohje për të cilën u mor në pyetje edhe nga prokuroria pas atentatit ndaj prokurorit të Durrësit Arjan Ndoj. Kjo pasi i dyshuar kryesor për atentatin është Rraja.
