Darkën që i dështoi në Strasburg, pas deklaratave plot “thumba” dhe sulme në Asamblenë e Përgjithshme të Këshillit të Europës, ku Partive Popullore Europiane refuzuan të merrnin pjesë, kryeministri Edi Rama nuk e ka kapërdirë lehtë.
Për t’iu kundërpërgjigjur atyre që ia prishën skenën për të rrëmbyer vëmendje me ceremoni, Rama zgjodhi kongresin e Partive Progresiste Europiane në Berlin.
Aty shefi i qeverisë i është “përveshur” sërish edhe Bashkimit Europian, duke lëshuar një lum kritikash për mënyrën si menaxhuan pandeminë dhe kujtoi ndihmën që i dha Presidenti turk Rexhep Taip Erdogan.
Teksa fliste për krizën energjitike, Rama ka kërkuar që të mos përsëritet situata e pandemisë dhe që Europa t’i dalë për “Zot” edhe Ballkanit.
“Kemi patur një eksperiencë të keqe me BE. Kur shpërtheu pandemia e koronavirusit, ne u lamë mënjanë. Ne vrapuam të gjenim vaksina. Pra u harruam dhe nëse nuk do kishim mbështetjen e presidentit turk Recep Tayyip Erdogan, nuk do kishim vaksinuar askënd për një kohë të gjatë. Ishte një moment i frikshëm që mund të shihnim në një situatë të rend që BE nuk ishte atje. Dhe ja ku jemi te rasti i energjisë i cili nuk është i njëjtë më pandeminë por është i ngjashëm. ngjan kur vjen puna te fuqia për të gjithë komunitetin europian, uroj të mos jetë i njëjti rast dhe të gjendet një zgjidhje për të mbështetur vendet anëtarë për të përballuar goditjen e madhe, duke mos u lënë jashtë”, tha Rama.
