Fatjon Softa, ekspert sigurie, i ftuar në emisionin “Në Shënjestër” ka komentuar ngjarjen e rëndë që ndodhi në Klos ditën e sotme, ku humbën jetën dy persona dhe mbetën të plagosur dy të tjerë. Në fund autori i ngjarjes vrau edhe veten.
Softa u shpreh se motivi i kryerjes së krimit, tregon se në çfarë gjendje është situata në vend.
“Fatkeqësisht konfliktet në Shqipëri përfundojnë me armë. Arma të merr jetën e kthehet në gjakmarrje. Ai që vret thonë pendohet siç është rasti konkret që autori vrau veten. Të vijë vrasja për arsye të tilla tregon situatën e rënduar në Shqipëri dhe në zona të abandonuara e të varfra”, tha ai.
