FIA ka konfirmuar se Red Bull është shpallur fajtor për tejkalimin e buxhetit të shpenzuar të vendosur në vitin 2021. E njëjta gjë vlen dhe për Aston Martin, por faji i këtyre të fundit konsiderohet të jetë “procedurial”.
Me anë të një komunikate, FIA shkruan: “Administrata e kufirit të kostos së FIA-s aktualisht është duke përcaktuar kursin e duhur të veprimit që do të ndërmerret sipas Rregulloreve Financiare në lidhje me Aston Martin dhe Red Bull dhe informacione të mëtejshme do të komunikohen në përputhje me rregulloret”.
Gjithsesi, cilido vendim i marrë nga FIA, nuk do të ndikojë në titullin e vitit të kaluar, i cili vazhdon t’i takojë Max Verstappen, teksa Hamilton ende shpresonte.
Nga ana tjetër, pas garës së Japonisë, drejtori i ekipit të Ferrarit, Matia Binjoto, u shpreh se Red Bull duhet të merrte një dënim të ashpër.
“Ajo që është e rëndësishme për ne është çfarëdo që do të jetë shkelja, nëse ka ndonjë shkelje, dënimi duhet të jetë i rëndësishëm, sepse më besoni, se makinat tona sot në Japoni u përpoqën të luftonin për pozicionin më të mirë”, tha ai.