Deputetja e Partisë së Lirisë Erisa Xhixho, ka folur për krizën aktuale ekonomike në vend, përgatitjet e PL-së për zgjedhjet vendore dhe aksionin opozitar në terësi për të rrëzuar qeverinë aktuale nga pushteti.
Xhixho u shpreh se kjo qeveri nuk e konsideron prioritet arsimin, duke injoruar kërkesat e pedagogëve apo duke mos përfshirë studentët në paketën sociale. Ajo tha ndër të tjera se protesta më e madhe është ajo e vetë qytetarëve pasi ata e ndjejnë përditë rritjen e çmimeve dhe keqmenaxhimin e mazhorancës.
“300 euro minimalisht shkon një apartament qeraje, mos të flasim për veshjet, energjinë, ushqimet të gjitha këto përballë një qeverie që nuk e konsideron këtë shtresë të shoqërisë, nuk e kuptoj pse studentët nuk janë në paketën sociale.
Në një farë mënyrë është mesazh i qeverisë që nuk konsideron prioritet të saj as arsimin, pedagogë apo studentë. Shteti është shumë larg kërkesave të pedagogëve, studentët po kërkojnë një mbështetje sa Kosova të paktën.Ne kemi pasur një mbledhje për procesin organizativ, do zgjidhen strukturat e reja të partisë, do shpalosen figurat kryesore dhe padyshim jemi të deleguar secili në zonat e tij, mendoj se zgjedhjet vendore janë rikthim i legjitimitetit të pushtetit lokal, si shumë i rëndësishëm për shërbimet që u ofron qytetarëve. Hapja e partisë, duke e parë si mundësi për të promovuar sa më shumë të rinj.
Është e vërtetë që kjo qeveri ka kapur çdo pushtet, por qytetarët po ndërgjegjësohen çdo ditë e më shumë, po e ndjejnë krizën, gjithmonë e më shumë po largohen të rinj, shqiptarët janë pesimistë për të ardhmen këtu. Ky kryeministër është jashtë realitetit kur kërkon të ndërtojë instalacion 3.7 milionë euro ndërkohë qyettarët nuk ja dalin dot deri nnë fund të muajit. Opozita e vërtetë janë qytetarët, është alternative që do japim dhe padyshim gjithë aksioni opozitar, duke mbrojtur interesin dhe jo duke bërë pazare me problematikat e qytetarëve. Qytetarët janë në protestë çdo ditë, në momentin e duhur dhe opozita do sjellë protestën e saj”-tha Xhixho.
