Një 39-vjeçar shqiptar është qëlluar disa herë me armë zjarri në Vittoria, në provincën e Ragusës.
Sipas medieve italiane, 39-vjeçari është qëlluar me 7 plumb. Ngjarja ka ndodhur midis Vittorias dhe fraksionit Pedalino të Comiso. I plagosuri është transportuar me urgjencë në spital dhe ndodhet në gjendje kritike për jetën.
39-vjeçari ishte i ligjshëm në territorin italian dhe me leje qëndrimi të rregull. Policia ka rrethuar vendin e sulmit për të rindërtuar dinamikën e ngjarjes dhe për të identifikuar autorin që qëlloi disa herë me armë zjarri ndaj shqiptarit.
Identiteti i shqiptarit nuk është bërë ende i ditur nga mediet italiane.
