Kreu i Partisë Demokratike, Sali Berisha ka komentuar protestën e pedagogëve të zhvilluar gjatë ditës së sotme përballë Universitetit Politeknik të Tiranës.
Gjatë protestës në kohë paralele Edi Rama zhvilloi një “anti-miting” në Universitetin Buqësor të Tiranës ku premtoi rritje page 7% për këtë kategori, por i menjëhershëm ishte reagimi i pedagogëve të cilët e kanë refuzuar propozimin e kryeministrit.
Berisha e cilësoi si cinik dhe arrogant vendimin e Ramës për të rritur pagat me vetëm 7%, pasi kjo është një shifër më e ulët se inflacioni.
“Mbështetje për pedagogët studentët të cilët janë në protestë sot organizuan një protestë të fuqishme para universitetit politeknik për kërkesat më legjitime të tyre. I garantoj se PD qëndron në mbështetje të çdo kërkese që ata sot i drejtuan një qeverie arrogante, mashtruese dhe hajdute.
Kërkesat e pedagogëve, punonjësve e studentëve janë klithma të vërteta për të shpëtuar arsimin universitar që është në rrokullisje të madhe. Edi Rama është përgjigjur me një qëndrim cinik, urrejtës e përçmues sindikatave të arsimit të lartë dhe kërkesave të tyre.
Edi Rama ka hartuar një vendim me të cilin ai shpreh arrogancën, cinizmin dhe përçmimin ndaj universiteteve. Kërkon të përçajë trupën akademike nga kolektivi studentor. Ne vendimin e tij parashikon zero rritje buxhetore për rrogat. 10% që deklaron se do rriten nga buxhetet, dje e kishte 10 sot e ka bërë 7% është nën inflacionin, është më i ulet se inflacioni i vërtetë është 12%, pra nuk perben as indeksim. Cinizem. Ajo qe eshte me e rende eshte se premton 30% tjeter rritje rroge nga tarifat e studenteve. Domethene u thote studenteve e familjeve te tyre paguani ju tani për pedagoget e studenteve”, tha Berisha.
Pedagogët kanë theksuar se nëse nuk do të ketë një reagim, atëherë do të bojkotojnë procesin mësimor. Kësaj thirrje i janë bashkuar edhe pedagogë të universiteteve të rretheve, duke iu përgjigjur në këtë mënyrë edhe ftesës së Sindikatës së Pedagogëve.
Kërkesat e pedagogëve
-Rritja e pagave për pedagogët dhe stafin ndihmës.
-Rritja e financimit për kërkimin shkencor.
-Rivendosja e shtesave mbi pagë për ‘Dëshmi shëndeti në punë’.
-Rritja e shtesës mbi pagën për vjetërsinë në punë.
-Rritja e pagesës së orëve të ngarkesës suplementare.
-Rivlerësimi i orës mësimore pas ka zbritje prej 50% të pagesës së orës mësimore si rezultat i mosfierencimit të orës mësimore të leksionit.
-Rishikimin e tatimit prej 23% mbi pagesën e ngarkesës suplementare.
-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.
-Të bëhet transparencë mbi buxhetin dhe të ardhurat e universitetet publike
