Një listë emrash të thuajse 100 mijë shtetasve shqiptarë u publikua në Telegram nga “Homeland Justice”, që ka marrë përsipër sulmet kibernetike në vend.
Mbetet ende e paqartë se çfarë përfaqëson kjo listë, por të dhënat me gjasë janë siguruar nga institucionet shtetërore. Emrat janë regjistruar sipas një renditjeje të papërcaktuar. Aty disponohet foto e personit, emri, mbiemri, atësia, ditëlindja dhe vendlindja.
Në këtë listë ndodhet edhe fotoja e të penduarit të drejtësisë Nuredin Dumanit, fotoja duket që është e viteve më parë krejtësisht ndryshe nga imazhi i Dumani kur u arrestua. Mes mijëra të tjerëve, gazetarët gjetën edhe emra të tjerë të njohur të krimit.
