Seanca gjyqësore e dosjes “Plumbi i Artë” po zhvillohet sot në Gjykatëne Posaçme, ku i pandehuri Xhuljano Hoxha ka hedhur akuza të forta ndaj Erjon Alibej. Para togave të zeza, Hoxha ka mohuar të ketë gisht në vrasjen e Bujar Çelës. Gjatë dëshmisë sëtij, ai tha se Alibej ka urdhëruar Nuredin Dumanin për vrasjen e Oti Kilës.
Më tej Xhuljano Hoxha dëshmon, se Erjon Alibej ka paguar 3 milionë euro për të marrë statusin bashkëpunëtor i drejtësisë. Sipas Hoxhës, Gentian Shara në dëshminë e tij thotë se kurrë nuk ka bërë vjedhje pasi është person me më shumë se 10 biznese dhe është i rregullt me të gjitha taksat.
“Jam në dijeni që Alibej ka urdhëruar Dumanin për të vrarë Oti Kilën dhe ka qenë biseda kur kemi qenë në garazh. Në deklarimet e Erjon Alibej dhe provat e SPAK nuk ka asnjë provë as bisedë që kam marr pjesë te vrasja e Bujar Çelës. Dua të deklaroj se Erjon Alibej më ka thënë që kam paguar 3 milionë euro që të marr statusin e bashkëpunëtorit të drejtësisë që t’ja hiqnin statusin Henrik Hoxhajt. Alibej më ka thënë që inshalla nuk del në Skyy.
Jam në dijeni që Alibej ka urdhëruar Dumanin për të vrarë Oti Kilën dhe ka qenë biseda kur kemi qenë në garazh. Nuk kam lidhje unë me vrasje, po e pranoj që kam djegur makinat e Oti Kilës, për të cilën kam dhënë dëshmi edhe para pak ditësh. E nderuar gjykatë kam shumë për të thënë dhe do t’i tregoj në ditët në vijim. Nëse unë kam vjedhur një paketë Allahu më dënoftë tek njerëzit më të afërt” tha ai.
Të pandehurit e dosjes “Plumbi i Artë” akuzohen për disa vrasje, atentate të mbetur në tentativë dhe vjedhje me dhunë, të zbardhura pas dëshmisë së bashkëpunëtorit të drejtësisë Nuredin Dumani. Prokuroria e Posaçme po vijon procesin për dosjen e bujshme, ku ka disa të pandehur. Nuredin Dumani është në cilësinë e të penduarit, si bashkëpunëtor i SPAK, duke zbardhur të paktën 12 vrasje dhe dhjetëra krime të tjera në një dekadë, si dhe porositë që merrte për ekzekutime, me pagesa deri në 200 mijë euro.
