Kryeministri Edi Rama është tërhequr ditën e djeshme nga vendimi për fashën “800 kWh” të energjisë elektrike, duke njoftuar se nuk do të hyjë në fuqi në muajin tetor.
Sot, në një komunikim online me qytetarët, ka treguar aryset se përse u hoq fasha mbi 800 kWh.
“Vendosëm ta shtyjmë për 2 arsye; elementi i parë janë reshjet. Kemi pasur reshje, janë shtuar kuotat në hidrocentrale.
Element i dytë është një trend kursimi që ka bërë që nevoja për energji të jetë më e ulët se parashikimi.
Kështu që ne këtë nevojë mund të vazhdojmë ta përballojmë.
Nëse trendi i kursimit do të vazhdojë dhe nëse reshjet do të vazhdojnë ne do ta kalojmë pa asnjë problem. Në nëntor do të vendoset fasha duke pasur parasysh parametrat. Kjo është objektive.”– deklaron Rama.
