Presidenti rus Vladimir Putin duket se ka kuptuar që ndërhyrja e armatosur në Ukrainë ishte një dështim për Kremlinin dhe ideja e tij e fundit për të shmangur turpin duket se është goditja finale me armë bërthamore.
Të paktën në këtë konkluzion kanë arritur raporte sekrete të Britanisë së Madhe dhe veçanërisht SHBA-ve që nënvizojnë se udhëheqësit Perëndimorë kanë frikë se Vladimir Putin po planifikon një përshkallëzim të madh të pushtimit të lëkundur rus të Ukrainës me një sulm bërthamor vdekjeprurës.
Spiunët britanikë dhe amerikanë besojnë se ka burimet të besueshme të inteligjencë që sugjerojnë se presidenti rus po përgatit një sulm që do ta kthejë përpjekjen e luftës në favor të tij dhe publikimi I lajmit në një kohë kur Ambasada e SHBA në Moskë po u kërkon qytetarëve të largohen nga Rusia me urgjencë.
“Putinit pothuajse i kanë mbaruar opsionet që e bëjnë të mundur një sulm taktik bërthamor në perëndim të katër rajoneve që ai pretendon”, tha një nga burimet e DailyMail.
Putini mendohet se po planifikon rrëmbimin e tokës së 4 rajoneve që thuhet se kanë votuar me shumicë dërrmuese për t’u bashkuar me Rusinë pas referendumeve me vota false, në të cilat banorët marshuan drejt kutive të votimit me kërcnimin e armës mbi kokë.
Një frikë tjetër është se Rusia po përgatit një goditje ndaj interesave perëndimore, siç janë kabllot e komunikimit detar.
Zyrtarët në Mbretërinë e Bashkuar besojnë se Putin si dhe popullata ruse, tani e kuptojnë se lufta ishte një ‘gabim kolosal’.
Ata gjithashtu kanë frikë se mobilizimi i pjesshëm i 300,000 rekrutëve mund të jetë pengesë për të mashtruar Perëndimin që të përqendrohet në Ukrainë, ndërsa ai u përpoq të përdorte levën kundër mbështetjes për Kievin.
Të gjitha këto detaje nga raportet sekrete të Inteligjencës vijnë në një kohë, kur frika se agjentët e Kremlinit janë përgjegjës për sabotimin e ‘qëllimshëm’ të tubacionit të furnizimit me gaz “Nord Stream” në Detin Baltik ka rritur çmimin e energjisë në Europë.
Një burim sigurie i tha The Mirror se rrjedhjet mund të veprojnë si një paralajmërim për sulme të ngjashme në kabllot e komunikimit midis Europës dhe SHBA-ve.
“Është e mundur që ai beson se kjo do të jetë e mjaftueshme si një shfaqje e qëllimit për ta bërë perëndimin të tërhiqet, të krijojë një zonë të vdekur për të ndalur kundërsulmimin ukrainas dhe për të kërkuar fitoren në lindje. Por një mundësi tjetër është një sulm ndaj kabllove të komunikimit midis Mbretërisë së Bashkuar dhe Amerikës, shumë prej të cilave janë lidhje evropiane”, zbuloi burimi i medias angleze.
Vlen të theksohet se dëmtimi i kabllove të komunikimit të furnizimit me internet mund të jetë shumë i dëmshëm dhe të çojë deri në black-out tregjet financiare të botës.
