Gjatë një përballjeje, qoftë miqësore apo për kualifikueset e një kompeticioni, shpesh herë Shqipëria është hasur me të qënurit në disavantazh. Nëse ju hedhim një sy ndeshjeve të mëparshme, duhet të kthehemi disa vite pas për të gjetur një përmbysje në arkivin e kuqezinjve.
Në epokën e Edi Rejës nuk gjejmë një ndeshje që të kemi përmbysur rezultatin, por e fundit shënohet në vitin 2016- të, në miqësoren e zhvilluar ndaj Katarit më 29 maj të këtij viti, nga 0-1 në 3-1 me golat e Ajetit, Lenjanit dhe Sadikut.
Nga atëherë janë luajtur gjithsej 62 ndeshje. Ndërsa në eliminatore, përmbysja e fundit është ndaj Armenisë në 2015-ën me golat e Mavrajt dhe Gashit.
